من الأمثال الشعبية ما تفرزها حكاية أو نكتة شعبية ،وقد يستعمل المثل بين الناس دون معرفة قائله ومنها ما اقتبس عن الفصحى ، و منها ما استمد من كتب التراث الأدبي أو من الأغاني الشعبية وكذلك ما هو عصارة تجارب وممارسات عديدة كانت تلجأ إليها بعض الشعوب
و من الأمثال الشعبية السائدة
اذا انت أمير و أنا أمير ، مين بيسوق الحمير ؟
عاشر المصلي بتصلي و عاشر المغني بتغني
لو كان الزلام بشواربهم لكان الصرصور أزلمهم
صار للشرشوحة مرجوحة و لأبو بريص قبقاب
إذا قلنالها اطبخي بتقول مريضه ،بس اذا قلنالها تعي كلي بتقول وين معلقتي العريضة
الطول طول نخلة والعقل عقل سخلة
اللي بدري بدري واللي ما بدري بيقول كف عدس
كوم حجار ولا هالجار
يوم إلك ويوم عليك، دير بالك فتح عينيك
سمره ونغشه؟ ولا بيضة ودفشة
الجوز رحمة ولو كان فحمة
عندك عيش وعندي عيش، وفراغة العين ليش؟
إبنك على ما تربيه و جوزك على ما تعوديه
يا جاي بلا عزيمة يا قليلا لقيمة
0 التعليقات:
إرسال تعليق